Беларускі дзяржаўны тэхналагічны ўніверсітэт

Гісторыя кафедры 

Кафедра эканомікі і арганізацыі вытворчасці арганізавана ў 1923 г. у складзе ляснога факультэта Беларускага сельскагаспадарчага інстытута ў г. Мінску вядомым эканамістам прафесарам і акадэмікам В. І. Пераходам. У 1927-1928 гадах кафедру ўзначальваў буйны спецыяліст-работнік вытворчасці А. І. Кандрацьеў, прафесар, доктар сельскагаспадарчых навук. У пасляваенны перыяд кафедру ўзначальвалі: 1953-1961 гг.- прафесар Ф. Т. Касцюковіч, 1951-1953, 1961-1967гг.- дацэнт С. Ф. Вікулаў, 1967-1993 гг. - заслужаны работнік вышэйшай школы БССР, прафесар, д.с.-х.н. А. Д. Янушка.У 1993 годзе частка кафедры эканомікі і арганізацыі вытворчасці была ператворана ў кафедру кіравання і арганізацыі вытворчасці. 

Загадчыкамі кафедры былі: 1993-1996 гг. прафесар П. С. Гейзлер, 1996 - дацэнт І. І. Пішч, 1996-1997 г.г. - прафесар В. Г. Золотогоров,

У 1997 годзе частка кафедры кіравання і арганізацыі вытворчасці была ператворана ў кафедру эканомікі і кіравання на прадпрыемствах хіміка-ляснога комплексу. Загадчыкамі кафедры былі: 1997-1998 гг., 2002 г. прафесар В. Г. Золотогоров, 1998-2002 гг. прафесар В. Я. Асановіч, 2002-2008 гг. прафесар І. П. Вараб'ёў, З кастрычніка 2008 па лістапад 2009 года загадчыкам кафедры з'яўляўся дацэнт Сіняк Н. Г.

У 2009 годзе кафедра эканомікі і кіравання на прадпрыемствах хіміка-ляснога комплексу была падзелена на дзве: кафедру эканомікі і кіравання на прадпрыемствах і кафедру арганізацыі вытворчасці і эканомікі нерухомасці. 

Кафедра арганізацыі вытворчасці і эканомікі нерухомасці працягвае традыцыі кафедры эканомікі і кіравання на прадпрыемстве, ажыццяўляючы эканамічную падрыхтоўку інжынерных кадраў універсітэта, а таксама навучае спецыялістаў у галіне ацэнкі і менеджменту нерухомасці. З 2009 па 2017 год загадчыкам кафедры з'яўляўся дацэнт Сіняк Н. Г. З лютага 2017 года загадчыкам кафедры з'яўляецца дацэнт Расоха Е.В.