Заснавальнікі навуковых школ

Маладое пакаленне студэнтаў тэхналагічнага ўніверсітэта – наш гонар сёння і наша будучыня – зможа забяспечыць далейшае развіццё і росквіт сваёй навучальнай установы толькі ў тым выпадку, калі будзе памятаць гісторыю роднай ВНУ, яе вытокі.

Менавіта таму кіраўніцтвам БДТУ было прынята рашэнне аб адкрыцці ў сценах універсітэта мемарыяльных дошак выдатным вучоным, заснавальнікам навуковых школ, якія доўгі час працавалі ў БДТУ і ўнеслі сур’ёзны ўклад у развіццё не толькі нашай ВНУ, але і ўсёй краіны.

Сёння студэнты і работнікі ВНУ павінны ведаць такіх людзей, раўняцца на іх. І гэта павінна стаць яшчэ адным пацвярджэннем таго, што ў нашым універсітэце людзі працы заўсёды ўдастойваліся заслужанай павагі.

 

Імёны навукоўцаў, у гонар якіх адкрыты мемарыяльныя дошкі:

 

Уладзімір Васільевіч Пячкоўскі

Заслужаны дзеяч навукі і тэхнікі БССР, доктар тэхнічных навук, прафесар.

Заснавальнік навуковай школы хіміі і тэхналогій злучэнняў фосфару. З 1964 па 1989 год быў загадчыкам кафедры тэхналогіі неарганічных рэчываў і агульнай хімічнай тэхналогіі.

Барыс Дзмітрыевіч Жылкін

Заслужаны лесавод БССР, доктар сельскагаспадарчых навук, прафесар.

Працаваў на кафедры лесаводства з 1947 па 1979 год,  і большую частку гэтага часу (з 1947 па 1975 год) быў яе загадчыкам. Заснавальнік навуковай школы ў галіне экалагічна арыентаванага лесаводства.

Георгій Іванавіч Новікаў

Заслужаны дзеяч навукі БССР, доктар хімічных навук, прафесар.

Заснавальнік і кіраўнік навукова-практычных школ па вадароднай энергетыцы, тэрмадынаміцы і высокатэмпературнай хіміі парападобнага стану.

Працаваў на кафедры агульнай і неарганічнай хіміі з 1966 па 2004 год. Быў яе загадчыкам з 1966 па 1991 год.

Мікалай Ільіч Фёдараў

Выдатны вучоны ў галіне лясной фітапаталогii, мікалогіі, драўнiназнаўцтвa і ляснога таваразнаўства, доктар біялагічных навук, прафесар.

Заснавальнік беларускай навуковай школы па лясной фітапаталогii.

Працаваў на кафедры лесааховы і драўнiназнаўцтвa з 1947 па 2009 год. Дэкан завочнага факультэта ў 1961–1965 гадах. Загадчык кафедры драўнiназнаўцтвa і лесаэксплуатацыі з 1972 па 1991 год.

 

Лазар Артуравіч Рот

Доктар фізіка-матэматычных навук, прафесар.

Заснавальнік навуковай школы ў галіне статыстычнай тэрмадынамікі і механікі суцэльных асяроддзяў.

Загадчык кафедры тэарэтычнай механікі з 1964 па 1992 год.

 

Мікалай Арсеньевіч Бацiн

Заслужаны работнік вышэйшай школы БССР, доктар тэхнічных навук, прафесар.

Заснавальнік навуковай школы па тэорыі раскрою пiловачнай сыравіны, рацыянальнаму і комплекснаму выкарыстанню драўніны.

Прафесар М.А. Бацін унёс значны ўклад ва ўдасканаленне і развіццё навуковых даследаванняў. Распрацаваная ім тэорыя раскрою пiловачнай сыравіны на пілапрадукцыю спрыяе рацыянальнаму выкарыстанню драўнянай сыравіны, зберажэнню лясных багаццяў нашай краіны і паляпшэнню экалагічнай сітуацыі ў Беларусі.